"STEAM-sizlərlə GƏLƏCƏK" layihəsi Qazbinə kənd tam orta məktəbində təhsil alan 5-9-cu sinif şagirdləri üçün STEAM dərslərinin təşkilindən ibarətdir. Dərslərdə şagirdlər 3D modelləşdirmə ilə real həyatda istifadə edə biləcəkləri modellər yaradaraq 3D printerdə çap etmək bacarığını formalaşdırmaq, mikrobit ilə rəqəmsal dünyada iştiraka həvəs, "Matatalab", lazer "CNC" ilə tanışlıq və kəsim, VR və AR ilə işləmək bacarığını öyrənirlər. Dərslər Qazbinə kənd tam orta məktəbdə keçirilir. Layihə təlimçisi Balakən şəhər Nəsimi adına 2 nömrəli tam orta məktəbin STEAM müəllimi Nübar Qurbanovadır. Layihə çərçivəsində dərs prosesində istifadə olunması məqsədi ilə "Snapmaker 2.0" modular "A250 en 3d laser engraving printer" "LEGO Education SPIKE Prime", "Education starter kit for bbc microbit", "Merge VR/AR headset", "3d pen v2", "3D Printer Filaments", "Matatalab Pro SET" , "Matatalab Lite" avadanlıqlar alınıb. Alınan avadanlıqlar məktəbin invertar siyahısına əlavə olunaraq növbəti ildə şagirdlərin istifadəsi üçün əlçatan olacaqdır. İcrasına sentyabrın 25-dən başlanlan layihənin yekunlaşması 25 yanvar 2024-cü il tarixində nəzərdə tutulub. Qeyd edək ki, Balakən rayonunda icra olunan layihənin müəllifi Nərmin Həbilovadır.
Təhsildə İnkişaf və İnnovasiyalr üzrə VII Qrant Müsabiqəsində fərdi kateqoriya üzrə qalib layihələrdən biri olan, layihə rəhbəri Bakı şəhəri 276 nömrəli məktəbin tarix müəllimi Niğar Əliyevanın olduğu “Sürətli oxu”- daha çox məlumatın effektiv mənimsəmə üsulu kimi”layihəsinin təqdimat mərasimi keçirilmişdir. Tədbiri giriş sözü ilə 276 nömrəli məktəbin direktoru Bəhram Şiriyev açmışıdr. Daha sonra layihə rəhbəri Nigar Əliyeva layihənin məqsədi və vəzifələri haqqında məlumat vermişdir. Məktəb Lisey Kompleksin direktoru Esmira Quliyeva qrant layihələrin məktəblərin inkişafı üçün yaratdığı imkanlardan söz açmışdır. Layihənin icrası müddətində əməkdaşlıq ediləcək "DeepBrain" təlim və tədris şirkətinin direktoru Elvin Axundov layihə çərçivəsində görüləşək işlər, təlim materialları haqqında dolgun məlumat vermişdir. Sonda şagirdlərin sualları cavablandırılmışdır.
“ Duolingo - xarici dilləri öyrənmənin asan və effektiv üsulu” layihəsi uğurla icra olunur.
Bakı Şəhəri Məktəb Lisey Kompleksində Təhsildə İnkişaf və İnnovasiyalar üzrə VII Qrant Müsabiqəsinin fərdi kateqoriyası üzrə qalib olmuş ,layihə rəhbəri Məktəb Lisey Kompleksin təlim-tərbiyə işləri üzrə direktor müavini Gülşən Vahidovanın olduğu “ Duolingo - xarici dilləri öyrənmənin asan və effektiv üsulu” layihəsinin icra prosesindən. https://www.instagram.com/reel/C0HuiruMlBO/?igshid=MzRlODBiNWFlZA==
Bakı Şəhəri Məktəb Lisey Kompleksində Təhsildə İnkişaf və İnnovasiyalar üzrə VII Qrant Müsabiqəsinin fərdi kateqoriyası üzrə qalib olmuş 3 layihənin : rəhbəri Məktəb Lisey Kompleksin təlim-tərbiyə işləri üzrə direktor müavini Gülər Rəsulovanın olduğu “ Koobits - Riyaziyyatın təcrübə ilə öyrənmək vasitəsi! ”, layihə rəhbəri Məktəb Lisey Kompleksin təlim-tərbiyə işləri üzrə direktor müavini Gülşən Vahidovanın olduğu “ Duolingo - xarici dilləri öyrənmənin asan və effektiv üsulu” və layihə rəhbəri Məktəb Lisey Kompleksin təlim-tərbiyə işləri üzrə direktor müavini Fərqanə Əliyevanın olduğu “ Rosseta Stone ilə ingilis dilini səmərəli və əyləncəli şəkildə öyrənək” layihələrinin icrası uğurla həyata keçirilir. Məktəbdə təlim-tərbiyə prosesinin yüksək göstərcilərlə həyata keçirilməsi, keyfiyyətli təhsilin əldə olunması strateji cəhətdən dövlətin verdiyi qərar və sərəncamlarla tənzimlənirsə, praktiki cəhətdən isə bilavasitə həmin prosesin iştirakçılarının uğurlu fəaliyyətindən asılıdır. Bu günün təhsili - "İnformasiya -Təhsil məkanı" mühitində reallaşır. Müasir müəllim belə bir informativ mühitdə özünü sərbəst hiss etməli, qoyulmuş konkret pedaqoji məqsədlərə müasir informasiya texnologiyaları vasitəsi ilə asanlıqla nail olmalıdır. Müasir təhsil sisteminin vəzifəsi dövrün çağrışlarına cavab verən vətəndaş yetişdirkməkdir. XXI əsrin 4K adlandırılan kompetensiyaları: kritik düşünmə, kommunikativlik, kreativlik, kooperasiyadır. Bu kompetensiyaları formalaşdırmaq və inkişaf etdirmək üçün fərqli öyrənmə üsulları tətbiq olunmalıdır. Bununla yanaşı XXI əsr insanının baza biliklərinə daxil olan riyazi düşünmə, İKT savadlılığı və xarici dil bilmə savadlılığını artırmağa xidmət edir. İnanırıq ki, Məktəb Lisey Kompleksində - məhz eyni məkanda bu layihələrin paralel şəkildə tətbiq olunması şagirdlərin təlim nəticələrinin, akademik göstəricilərində müsbət dinamikaya səbəb olacaq.
"Yaşıl məktəb -ekoloji tərbiyə məkanı" layihəsinin icrası uğurla davam edir.
Təhsildə İnkişaf və İnnovasiyalar üzrə VII Qrant Müsabiqənin qalibi olmuş, layihə rəhbəri Bakı Şəhəri 42 nömrəli məktəbin coğrafiya müəllimi Züleyxa Mehdiyevanın olduğu "Yaşıl məktəb -ekoloji tərbiyə məkanı" layihəsinin icrası uğurla davam edir. Layihənin əsas məqsədi ekoloji tərbiyənin vacibliyini diqqətə çatdırmaq, respublikamızın flora və faunasının rəngarəngliyi,bizi əhatə edən mühitlə canlı orqanizmlərin qarşılıqlı əlaqəsini,bu əlaqələrin inkişaf mərhələləri,ekoloji problemləri,təbiətdən səmərli istifadənin vacibliyi ilə məktəbliləri tanış etməkdən, onlarda yüksək ekoloji tərbiyəni təmin etməkdir.
“Təlim nəticələrinin yüksəldilməsində texnoloji psixologiyanın rolu” layihəsinin təqdimatı tədbiri keçirilmişdir
Təhsildə İnkişaf və İnnovasiyalar üzrə VII Qrant Müsabiqəsinin ümumi təhsil kateqoriyası üzrə qalib olmuş, Bakı Şəhəri Məktəb Lisey Kompleksin direktoru Esmira Quliyevanın layihə rəhbəri olduğu “Təlim nəticələrinin yüksəldilməsində texnoloji psixologiyanın rolu” layihəsinin təqdimatı tədbiri keçirilmişdir. Layihənin məqsədi şagirdlırin zəif təlim nəticələrinə təsir edən psixoloji amilləri vaxtında müəyyən edərək onlara psixoloq və aparat müdaxiləsinin dəstəyi bu maneləri aradan qaldırmaq istiqamətində dəstək olmaq, beləliklə də onların öz gözləntilərindən yüksək təlim nəticələrinə nail olmaqdır. Layihənin icra planına əsasən Məktəb Lisey Kompleksinin IV, IX və XI siniflərində təhsil alan şagirdlər, onların valideynləri və həmin sinifdə tədris aparan müəllimlər arasında sorgu təşkil olinmuş,həmin sorguların nəticəsi emal olunaraq ilkin psixodiaqnostika aparılmışdır. Bu testlər 3 istiqamətə xidmət edəcək: elmi istiqamət; tətbiqi istiqamət; praktik istiqamət. Testlərin nəticəsi emal və təhlil edilərək, zəif nəticə göstərən şagirdlərin psixoloji xəritəsi təyin olunmuşdur.Tədris ilinin əvvəlində aparılan məktəbdaxili diaqnostik qiymətləndirmənin nəticələri ilə bu datalar arasında uyğunluşdırma aparılaraq, psixoloji konsultasiya və aparat müdaxiləsinə ciddi ehtiyacı olan şagirdlər müəyyənləşmişdir. Psixologiya Elmi - Tədqiqat İnstitutunun Beyin və Davarnış Laboratoriyasında təşkil olunmuş təqdimat iştiarkçılarının həmin şagirdlərlə aparılan korreksiyaedici aparat tətbiqini əyani izləmək imkanı olmuşdur. Qeyd edək, bu fəliyyətlər layihəyə cəlb olunmuş şagirdlərin valideynlərinin razılığı və müşayəti ilə həyata keçirilmişdir. Təqdimat tədbirində Psixologiya Elmi - Tədqiqat İnstitutunun sədri Elnur Rüstəmov, Bakı Şəhəri üzrə Təhsil İdarəsinin Keyfiyyətə Nəzarət sektorunun müdiri Anar Mustafazadə, məktəb direktorları, müəllimlər, valideyn və şagirdlər iştirak etmişdir.